《Recall》回溯 第七章 古井空
《Recall》回溯 第七章 《古井空》
話說David哥帶著無比愉快的心情，依約來到酒店，三子悄悄跟在其後，務必確保整件事不要搞出人命。
來到酒店房門口，David輕輕敲了一下房門，輕聲溫柔地說：「靚女，我嚟咗喇！」「門冇鎖到，你快啲入嚟啦！」房內傳出一把嬌媚的女人聲音。急不及待地走進房間，David發現有個人影躲在被窩裡，即時慾火焚身，立即寬衣解帶，溫柔地帶了一句「靚女，做乜你都咁心急既？」就跳到床上，伸手就要去摸，然而手上傳來的觸感卻是白滑肥豬肉的油膩感覺。David大驚，立即掀開厚被，被窩裡的人影現出了如狼似虎般的兇殘眼神；David的身軀頓時打了一個大冷顫，想都沒想就要轉身奪門逃跑，奈何還是晚了一步，饑喝已久的Connie早已一個箭步上前生擒住他。
Connie雙手環抱著David，額頭貼額頭，嘴巴貼嘴巴，說道：「David哥，其實我都喜歡咗你好耐喇，估唔到你都咁鍾意我…..」
「唔係嘅，你實係誤會左，查實我呢….」David哥顫顫驚驚地說，猶如墮進食人族的湯鍋裡般。
「冇誤會！」Connie肯定地反駁。「我知你都鍾意左我好耐，唔准你話唔係架。我第一次架咋，你要錫住人地呀，知唔知道！」Connie說完害羞地別過頭去，接著就一把將David拋到床上，然後……
（咳咳……）然後阿堅，阿強和伊凡三人在房門外仔細偷聽，清楚聽到David在房內淒厲的尖叫聲，夾雜著悲蒼的呼救聲，而Connie則不斷發出殺豬般的叫床聲，裡頭戰況到底如何，看倌們請自行想像，怪可憐的。
阿堅聽罷於心不忍，無奈地看著阿強。阿強則暸解阿堅心事，卻鐵了心腸地說：「唔駛對賤精有惻隱之心，佢地兩個都係求仁得仁。一個鹹濕，一個乾涸，我地係做緊好事，積緊陰德！」說罷向阿堅和伊凡打了個手勢，「走啦！等佢地今晚開心下。」阿堅和伊凡帶點無奈又愧疚的心情，隨著阿強離去。
翌日，David哥帶著疲憊的身軀回到公司，眼袋好像癮君子吸食了白粉一樣黑起了兩層，整個人也像瘦了一圈，讓弱不襟風的他更顯得額外排骨。他步履蹣跚地回到自己的座位，兩手一伸攤坐在自己的辦公椅上，雙目無神眺望遠方，魂魄不知已往何處？阿堅看到他如此頽狀，心中有愧，於是上前打算安慰他。
阿堅從包中拿出珍藏已久的《古井空》絕版寫真集，塞到David的手裡，說：「David哥，見你氣色唔係幾好，唔通尋晚係貨不對辦？嗱，呢本係我嘅珍藏品，絕版嘅，好野黎。」David依然是一個冏樣，對阿堅和《古井空》也絲毫沒半點反應。「你唔出聲當你收左架喇。」阿堅說完就立刻把書塞進公文袋中，放在桌面上，完事後就急忙離去。
未幾，大老闆匆匆忙忙地走進公司，召集了全公司所有人，嚷著準備要開個大會。
「各位！期待已久，本年度公司嘅最大Project，我地同「手工設計-HandJob Design」既合作企劃案終於到咗最後嘅簽約階段，呢個Project將會影響到公司下半年嘅全部業績，各位年終有幾多花紅就睇佢了！」大老闆的目光落在David身上，「David一直全力跟開呢個Project，同HJ既黃小姐又熟絡。David等陣你陪我去見客，落實簽約嘅事情，記得帶埋你份Proposal。」心不在焉嘅David咦哦地答諾了老闆，在他的座位上隨便整理一下文件，就跟著老闆出門去了。
旋即到達酒店，客戶黃小姐準時來到，年約三十出頭，相貌眉清目秀，身型玲瓏浮凸，穿著瑰麗大方。大老闆烚熟狗頭地露出四萬般的笑容，熱情地向黃小姐噓寒問暖，而David看到黃小姐的美貌也現得稍為精神一些，暫時變回那位對美女色瞇瞇的David哥。
雙方都安坐下來， David立即使出他的渾身解數，口甜腹蜜地對黃小姐的髮絲，妝容，身材，乃至高跟鞋都無一遺漏地油腔滑調一番，想當然David對如此大方得體的美女，要讚賞也能出自內心。反之對方卻對面容猥瑣的David，尤其對他那油膩的馬屁，不單是不太受落，反而覺得有點厭惡噁心。老闆見客戶面有難色，深怕事情有變，囑David趕快呈上企劃案。
「黃小姐，你真係要仔細研究下我地精心策劃既Proposal，呀David同佢既團隊真係嘔心瀝血，捱左好多晚通頂，調查哂所有可行方案同資料，務求要為貴司做到最好。呢份企劃書可以話代表哂我地全公司上上下下嘅誠意，希望您可以好好考慮。」老闆說著就給David打個眼色，要他開始行動。
David見黃小姐對他的讚賞言詞無動於衷，心裡盡是納悶，不過始終做生意歸做生意，泡妞的事情還是留待日後大把機會。「黃小姐，請過目，裡頭既Idea係我調查過市場，網上既資料，最適合年青人需求嘅野。」黃小姐接過企劃書，翻了幾頁，額上眉心一皺，似乎對該企劃相當不滿意。
「你地話，呢本嘢代表咗你地全公司上下嘅全部誠意？！」黃小姐說完，怒氣沖沖的把該書出力地丟在桌上，David這刻才回過神來，驚見他剛遞出去的，不是公司的年終企劃案，而是阿堅珍藏的《古井空》絕版寫真集！此時此刻，地球的時間像瞬間凍結了一樣，大老闆被此情景嚇得六神無主，張大嘴巴得個大咕窿，不知如何是好；而David 轉數較快，仍然希望力挽狂瀾，說：「嗯，呢個……時下年輕人都對漂亮女性很感興趣，各大媒體不時都邀請一啲身材姣好嘅模特兒呢，呢個……好似賽車女模咁，或私影靚模咁……」未等David說完，黃小姐已經面紅耳赤，立即截住David的說話。「即係話，你要請一批AV女優黎為我設計嘅攤位站台，你瞓醒未？我係搞緊家居及嬰兒用品展，我接受唔到你要搵啲女優嚟除衫既Idea，亦唔想接受！對唔住，我諗我地係唔會同你地公司合作，將來亦都冇呢個機會！」狠話擱完，黃小姐頭也不回地離開了，只留下如死屍般僵直的老闆和像看著2012來臨般的David哥。
二人回到公司，老闆的臉色從剛才的面青唇白，變得紅如關公，青筋暴現，拿著那本寫真集，當著眾人面前，劈頭狠狠教訓David。「我想請教下你，阿David哥。點解公司會有本咁既野，又點解會你帶埋去見客，你係想整鬼我丫？定係你真係唔想Do喇？想當初唔係有我家姐保薦你，你估你喺公司留得住？今次你真係害死公司喇。」老闆暴怒地將寫真集撕成碎片，接著說：「David哥，下半年既業績冇哂啦而家。你有咩解釋！」阿堅心想：「仆街，我本絕版珍藏古井空女神呀，冇喇冇喇今次，嗯不對，點解條友會帶埋本野出去….?」David雖然這次闖大禍了，居然仍不甘示弱，力辯道：「唔關我事架喎，本野又唔係我既，係阿堅同阿強兩條衰仔之嘛，我點知佢地會入袋比我帶出去既啫。實係呢兩條友食飽飯冇屎疴，設局黎陷害我啦。」說罷David輕挑地撥一下頭髮，手指輕輕指向堅強二人，雖然解釋得強詞奪理，但憤怒得失去理性的老闆，似乎要將所有相關人士都拖出去午門斬首。
老闆指著地上變成碎片的古井空，怒瞪著阿堅和阿強，喝道：「本嘢係咪你地嘅？」阿堅顫顫驚驚地說：「冤枉呀老闆！本書雖然係我用黎孝敬呀David哥既，之但係我真係冇諗過David哥佢會帶住去見客架….冤枉呀！」阿強力挺兄弟，也附和道：「老闆明察秋毫，David哥位高要職，我地兩個都係為左刷下鞋，知佢好呢味野，就送本好書比佢，實在冇諗過會發生今日既事，求老闆明察呀！」
老闆稍為平息怒火冷靜下來，神情冷冰地說：「得，阿堅阿強你地兩個聽日唔駛返工，我唔想再見到你地。」接住看著David「以後重要Project都唔會比你跟，我唔係睇在我家姐份上我一定炒左你！」然後像七竅出煙地離開了辦公室。
阿堅看著阿強，二人你眼望我眼，真是啞巴吃黃蓮，有苦自己知。「唉，阿煩，以為你要好好照顧自己，公司冇左我同阿強睇住你，你一定唔可以好似我地咁行差踏錯呀，兄弟我出去坐返三五七年，就會返黎搵你架喇。」阿堅一想起自己上有高堂，下有年幼弟妹，年中失業的他禁不住流下兩行熱淚。阿強雖然也是一臉愁容，看著伊凡，似乎有些東西想說卻說不出口。「阿凡，你估你可唔可以……」伊凡好像意會到阿強的意思，回答說：「做兄弟兩脇插刀，水裡水裡去火裡火裡去，如果我做得到我實會做。」說著一手指著天一手指著地，三人卻笑不出來。「咁樣阿凡，我地兩個嘅命運就交託在你手上了。」阿強說完眉頭稍鬆，就回到座位去了，剩下阿堅不明所以地看著伊凡，頭頂滿是黑人問號。
第八章 待續
https://www.facebook.com/ivanhasfun/posts/2424089527815703
前文回顧
第三章 愛心杯
第四章 綺夢
留言
發佈留言